Qazaqstan Respýblıkasy Bas prokýratýrasynyń buıryǵy  №41

2015 jylǵy 11 naýryz, Astana qalasy «Atqarýshylyq is júrgizýdiń zańdylyǵyn prokýrorlyq  qadaǵalaýdy uıymdastyrý boıynsha nusqaýlyqty bekitý týraly» Qazaqstan Respýblıkasy Bas Prokýrorynyń  2010 jylǵy 28 jeltoqsandaǵy № 88 buıryǵyna  ózgerister men tolyqtyrýlar engizý týraly Atqarýshylyq is júrgizýdiń zańdylyǵyna qadaǵalaýdyń tıimdiligin arttyrý maqsatynda, «Prokýratýra týraly» Qazaqstan Respýblıkasy Zańynyń 11-babynyń 4) tarmaqshasyn basshylyqqa ala otyryp, buıyramyn: 1. «Atqarýshylyq is júrgizýdiń zańdylyǵyna prokýrorlyq qadaǵalaýdy uıymdastyrý boıynsha nusqaýlyqty bekitý týraly» Qazaqstan Respýblıkasy Bas Prokýrorynyń 2010 jylǵy 28 jeltoqsandaǵy № 88 buıryǵyna (Normatıvtik quqyqtyq aktilerdiń memlekettik tirkeý tiziliminde № 6737 tirkelgen, Qazaqstan Respýblıkasynyń ortalyq atqarý jáne ózge de ortalyq memlekettik organdarynyń Aktiler jınaǵynda jarııalanǵan, 2011 jyl, №7) mynadaı ózgerister men tolyqtyrýlar engizilsin: osy buıryqpen bekitilgen Atqarýshylyq is júrgizýdiń zańdylyǵyna qadaǵalaýdy uıymdastyrý jónindegi nusqaýlyqta: 3-tarmaq mynadaı redaksııada jazylsyn: «3. Qazaqstan Respýblıkasy Bas prokýratýrasynyń Sottarda memleket múddesine ókilettik jasaý departamenti (budan ári – Departament), oblys prokýrorlary, Astana jáne Almaty qalalarynyń, aýdandyq, qalalyq jáne oǵan teńestirilgen áskerı jáne basqa da arnaıy prokýratýralar atqarýshylyq qujattardyń oryndalýy boıynsha úákiletti organnyń, onyń aýmaqtyq organdarynyń jáne olardyń laýazymdyq tulǵalarynyń, jeke sot oryndaýshylarynyń aktileri men áreketteriniń (áreketsizdiginiń) zańdylyǵyn tekserý jáne olar zańsyz bolǵan jaǵdaıda prokýrorlyq qadaǵalaý aktisin engizý, sottardyń atqarýshylyq is júrgizý salasyndaǵy azamattyq isterdi qaraýyna qatysý, sot aktileriniń zańdylyǵyn tekserý jáne olar zańsyz bolǵan jaǵdaıda narazylyq keltirý arqyly atqarýshylyq is júrgizý zańdylyǵyna turaqty jáne tıimdi qadaǵalaýdy qamtamasyz etedi, atqarýshylyq is júrgizýdegi zańdylyq jaǵdaıyn júıeli túrde taldaıdy. Qadaǵalaý fýnksııalaryn tıimdi atqarý jáne zań buzýshylyqtarǵa jedel shara qoldaný maqsatynda prokýrorlar óz qyzmetinde Quqyq qorǵaý jáne arnaıy organdarynyń aqparattyq almasý júıesin, Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Biryńǵaı sáıkestendirilgen statıstıkalyq júıesin jáne basqa da aqparattyq resýrstary men júıelerin, sondaı-aq ózge memlekettik organdardyń aqparattyq júıelerin paıdalanady.»; mynadaı mazmundaǵy 3-1 tarmaqpen tolyqtyrylsyn: «3-1. Departamentte, oblys prokýratýralarynda, Astana, Almaty qalalyq jáne oǵan teńestirilgen prokýratýralarda jumys, zańdylyqtyń jaǵdaıyn boljamdaý, atqarýshylyq is júrgizýdiń ózekti sanattary boıynsha prokýrorlyq tájrıbeni júıeli túrde taldap, onyń nátıjeleri jumys toptarynda, jedel jáne alqa májilisterinde qaralyp, júzege asyrylyp jatqan qadaǵalaýdyń tıimdiligin arttyrý boıynsha naqty sharalardy qabyldaý maqsatynda aýmaqtyq-pándik ustanym boıynsha uıymdastyrylady. Pándik ustanym boıynsha jumys, atqarýshylyq is júrgizýdiń ózekti sanattaryn anyqtaý jáne qoldanystaǵy zańnamany, qadaǵalaý qyzmetiniń nysany men ádistemesin jetildirý maqsatynda zańdylyq pen prokýrorlyq qadaǵalaý jaǵdaıyna júıeli túrde taldaý jasaıtyn, jaýapty tulǵalardy bekitý arqyly júzege asyrylady. Pándik baǵyttardy belgileý barysynda aımaqtyń zańdylyq jaǵdaıyn jáne erekshelikterin eskerý qajet. Prokýrorlardyń mamandandyrylýy prokýratýranyń jumysyn josparlaý, taldaý men sholý jasaý, jeke jáne zańdy tulǵalardyń ótinishterin qaraý kezinde esepke alynady. Aımaqtyq ustanym atqarýshylyq is júrgizýge qadaǵalaýdy júzege asyratyn prokýrorlarǵa aýmaqtyń zańdylyq jaǵdaıyna taldaý jáne monıtorıng júrgizý maqsatynda belgili bir aýmaqty bekitýden turady.»; 4-tarmaq mynadaı redaksııada jazylsyn: «4. Atqarýshylyq is júrgizýdiń zańdylyǵyn qadaǵalaýdy júzege asyrý barysynda prokýratýra organdary qyzmetiniń basym baǵyttary: atqarýshylyq is júrgizýde densaýlyq jaǵdaıyna nemese jasyna baılanysty ózin derbes qorǵaı almaıtyn jeke tulǵalardyń konstıtýsııalyq quqyqtary men múddelerin jáne memlekettiń múddesin saqtalýyn qadaǵalaý; atqarýshylyq qujattardyń oryndalýy boıynsha úákiletti organnyń, onyń aýmaqtyq organdarynyń jáne olardyń laýazymdy tulǵalarynyń atqarýshylyq is júrgizý týraly zańnamany naqty jáne birkelki qoldanýyn qadaǵalaý; atqarýshylyq qujattardyń oryndalýy boıynsha úákiletti organnyń, onyń aýmaqtyq organdarynyń jáne olardyń laýazymdy tulǵalarynyń áreketterine (áreketsizdigine) daý aıtý, atqarýshylyq is júrgizý salasyndaǵy basqa da ister, onyń ishinde sotpen bankrot dep tanylǵan uıymdardyń konkýrstyq óndirisi sheńberindegi ister boıynsha sot aktileriniń zańdylyǵyn qadaǵalaý bolyp tabylady.»; 5-tarmaq mynadaı redaksııada jazylsyn: «5. Atqarýshylyq qujattardyń oryndalýy boıynsha úákiletti organnyń, onyń aýmaqtyq organdarynyń jáne olardyń laýazymdy tulǵalarynyń, jeke sot oryndaýshylarynyń aktileri men áreketteriniń (áreketsizdiginiń) zańdylyǵyn tekserýdi atqarýshylyq is júrgizý qujattaryn zerdeleý, tikeleı atqarýshylyq qujattardyń oryndalýy boıynsha úákiletti organda jáne onyń aýmaqtyq bólimshelerinde, sondaı-aq basqa da memlekettik organdarda tekserý júrgizý arqyly júzege asyrady. Aýmaqtyq prokýrorlar óziniń ornalasqan jerinde, osy Nusqaýlyqpen atqarýshylyq qujattardyń oryndalýy boıynsha úákiletti organnyń aýmaqtyq bólimsheleri ornalasqan jerdegi arnaıy prokýrorlardyń qaraýyna jatatyn sanattardy qospaǵanda, barlyq atqarýshylyq qujattar boıynsha aýmaqtyq bólimshelerinde jáne jeke sot oryndaýshylarynyń atqarýshylyq is júrgizý zańdylyǵyna qadaǵalaýdy qamtamasyz etedi. Arnaıy mamandandyrylǵan áskerı prokýrorlar ornalasqan jeri boıynsha qylmystyq (múliktik óndirip alý bóliginde), azamattyq ister boıynsha áskerı sottarmen shyǵarylǵan, sonymen qatar áskerı prokýrorlardyń, Qarýly kúshter uıymdarynyń, basqa da áskerlerdiń nemese áskerı quralymdardyń bastamasy boıynsha ne olardyń qatysýymen qaralǵan qylmystyq (múliktik óndirip alý bóliginde), azamattyq jáne ákimshilik ister boıynsha ózge de sottarmen shyǵarylǵan atqarýshylyq is júrgizý qujattary boıynsha atqarýshylyq qujattardyń oryndalýy boıynsha úákiletti organnyń aýmaqtyq bólimsheleriniń laýazymdy tulǵalarynyń, jeke sot oryndaýshylarynyń aktileriniń, áreketiniń (áreketsizdiginiń) zańdylyǵyna qadaǵalaýdy qamtamasyz etedi. Arnaıy mamandandyrylǵan kólik prokýrorlary ózderiniń ornalasqan jeri boıynsha atqarýshylyq qujattardyń oryndalýy boıynsha úákiletti organnyń aýmaqtyq bólimsheleriniń laýazymdy tulǵalarynyń, jeke sot oryndaýshylarynyń aktileriniń, áreketiniń (áreketsizdiginiń) zańdylyǵyna, sotpen atqarýshylyq qujattary jazylǵan tómendegi: kólik prokýratýralarmen qozǵalǵan (múliktik óndirip alý bóliginde) nemese sottarmen olardyń qatysýymen qaralǵan, sondaı-aq sotqa deıingi tergep-tekserý kóliktegi ishki ister organdarymen júrgizilgen qylmystyq ister boıynsha; daýdyń máni kólik ınfraqurylymynyń obektisi nemese taraptyń biri retinde temir jol, avtokólik (jolaýshylardy, júkterdi jáne bagajdardy halyqaralyq avtomobıldik tasymaldaý bóliginde), teńiz, ishki sýlar, áýe, qalalyq relstik jáne magıstraldyq kólik qubyry, kosmos júıesi uıymdary, sondaı-aq atalǵan nysandar men sýbektilerge ózderiniń ókilettigin iske asyratyn memlekettik organdar jáne kólik prokýratýrasy bolyp tabylatyn, jergilikti jáne arnaıy mamandandyrylǵan ekonomıkalyq sottarmen qaralǵan azamattyq ister boıynsha; ákimshilik quqyq buzýshylyq týraly is júrgizýi kólik prokýrorlarynyń nemese temir jol, avtokólik (jolaýshylardy, júkterdi jáne bagajdardy halyqaralyq avtomobıldik tasymaldaý bóliginde), teńiz, ishki sýlar, áýe, qalalyq relstik jáne magıstraldyq kólik qubyry, kosmos júıesi uıymdaryna qatysty ókilettikterin iske asyratyn ýákiletti organdardyń bastamasy boıynsha qozǵalǵan, jergilikti jáne arnaıy mamandandyrylǵan ákimshilik sottarda qaralǵan ákimshilik ister boıynsha qadaǵalaýdy qamtamasyz etedi. Arnaıy mamandandyrylǵan tabıǵatty qorǵaý prokýrorlary ózderiniń ornalasqan jeri boıynsha tabıǵatty qorǵaý prokýrorynyń bastamasy boıynsha qozǵalǵan ne olardyń qatysýymen qaraǵan qylmystyq (múliktik óndirip alý bóliginde), azamattyq jáne ákimshilik ister boıynsha sotpen shyǵarylǵan atqarýshylyq qujattar boıynsha atqarýshylyq qujattardyń oryndalýy boıynsha úákiletti organnyń aýmaqtyq bólimsheleriniń laýazymdy tulǵalarynyń aktileriniń, áreketiniń (áreketsizdiginiń) zańdylyǵyna qadaǵalaý júrgizýdi qamtamasyz etedi. Prokýrordyń talap qoıýy (aryzy) negizinde berilgen atqarýshylyq qujattyń oryndalý zańdylyǵyna qadaǵalaýdy onyń oryndalý orny boıynsha prokýratýra júzege asyrady, al osy jumystyń úılestirilýi jáne baqylaýy (esepke alynýy), oryndalý ornyna qaramastan (atqarýshylyq is júrgizýdiń zańdylyǵyna qadaǵalaýdy júzege asyratyn prokýratýra organdarynyń bólimshesimen ne qyzmetkerimen), osy talap qoıýdy (aryzdy) usynǵan prokýratýramen qamtamasyz etiledi. Qadaǵalaý qyzmeti barysynda memlekettik organdardyń laýazymdy tulǵalarynyń, jeke jáne zańdy tulǵalardyń tarapynan zań buzýshylyqtardy anyqtaǵan jaǵdaıda, osy tarmaqta kórsetilgen prokýrorlar, olardy, sondaı-aq, zańdy buzýǵa ákep soqqan sebepter men jaǵdaılardy joıýǵa jáne kináli tulǵalardy zańda kózdelgen jaýapkershilikke tartý týraly sharalar qoldanady.»; 6-tarmaqtyń jıyrmasynshy abzasy mynadaı redaksııada jazylsyn: «Memlekettik organdardyń laýazymdy tulǵalary, jeke jáne zańdy tulǵalar tarapynan zańdylyqty buzýy anyqtalǵan jańdaıda, prokýror sot aldynda jeke uıǵarym shyǵarý týraly ótinish jasaıdy, bul boıynsha qosymsha tekserý júrgizýge sharalar qabyldaýǵa jáne kináli tulǵalardy zańda belgilengen jaýaptylyqqa tartý máseleni sheshý úshin jáne zań buzýshylyqtarǵa yqpal etetin sebepter men jaǵdaılardy joıý maqsatynda jazbasha nemese elektrondy qujat túrinde joǵary týrǵan prokýrdyń nazaryna jetkizedi.»; 8-tarmaq mynadaı redaksııada jazylsyn: «8. Prokýrorlar sapaly jáne zańda belgilengen merzimde jeke jáne zańdy tulǵalardyń Qazaqstan Respýblıkasy Ádilet mınıstrliginiń Sot aktilerin oryndaý departamentiniń (budan ári - SAOD), onyń aýmaqtyq bólimsheleriniń laýazymdy tulǵalarynyń, memlekettik jáne jeke sot oryndaýshylarynyń áreketteri (áreketsizdigi) men aktilerine jáne atqarýshylyq is júrgizý salasyndaǵy sot aktilerine qatysty ótinishterin qarap, sheshedi. О́tinish atqarýshylyq is júrgizý, al qajet bolǵanda azamattyq, qylmystyq, ákimshilik quqyq buzýshylyq týraly isterdi talap etýmen sheshiledi. Atqarýshylyq qujattyń zańda belgilengen oryndaý merzimi aıaqtalmaǵan atqarýshylyq is júrgizýler prokýratýraǵa kelip túsken kezden bastap úsh jumys kúninen aspaıtyn merzimde zerttelip, keri qaıtarylýǵa tıis. Prokýror atqarýshylyq is júrgizýdi zertteý kezinde sot oryndaýshymen atqarýshylyq áreketteriniń, memlekettik bajdy, atqarýshylyq sanksııany bıýdjetke ótep alý sharalarynyń, áreketterinde Qazaqstan Respýblıkasy Ákimshilik quqyq buzýshylyqtar týraly kodeksiniń 669-babynda jáne 33-taraýynyń ózge de normalarynda kózdelgen quqyq buzýshylyqtar belgileri kórinetin boryshkerge qatysty ákimshilik quqyq buzýshylyq týraly istiń qozǵalýynyń, qylmystyq is qozǵaý máselesin sheshý úshin qylmystyq qýdalaý organdaryna sot sheshimin oryndamaıtyn tulǵalarǵa qatysty materıaldardy tapsyrýdyń zańdylyǵyn, ýaqtylyǵyn jáne tolyqtyǵyn tekseredi. Atqarýshylyq is júrgizýdi (isti) zertteý nátıjesi boıynsha prokýror Bas prokýratýranyń jeke jáne zańdy tulǵalardyń ótinishterin qaraý jónindegi normatıvtik quqyqtyq aktilerinde kózdelgen tártipte tıisinshe bekitiletin jáne qol qoıylatyn dáleldi qorytyndyny jáne aryz ıesine jaýap ázirleıdi. Sot aktisine nemese sot oryndaýshysynyń aktisine prokýrorlyq qadaǵalaý aktisi engizilgen jaǵdaıda atqarýshylyq is júrgizý (is) boıynsha qorytyndy jasalmaıdy.»; 9-tarmaqtyń úshinshi abzasy mynadaı redaksııada jazylsyn: «Zańnyń bir ret óreskel nemese júıeli túrde buzylýyn anyqtaǵan jaǵdaıda prokýror óz quzyretiniń sheńberinde aýmaqtyq ádilet organdaryna nemese atqarýshylyq qujattardyń oryndalýy boıynsha úákiletti organnyń aýmaqtyq bólimshelesiniń basshysyna, jeke sot oryndaýshylarynyń aýmaqtyq palatasyna tıisinshe memlekettik nemese jeke sot oryndaýshysymen jibergen zańdylyqtyń buzylýyn joıý týraly usynys engizedi.»; 10-tarmaq mynadaı redaksııada jazylsyn: «10. Prokýrorlar prokýrorlardyń talap qoıýlary boıynsha memleket kirisine, densaýlyq jaǵdaıyna nemese jasyna baılanysty ózderiniń quqyqtary men zańdy múddelerin qorǵaýdy derbes júzege asyra almaıtyn adamdardyń paıdasyna aqshalaı jáne ózge de óndirip alýlar týraly atqarýshylyq qujattar boıynsha jekelegen negizdemelerge sáıkes respýblıkalyq menshikke aınaldyrylǵan (túsken) múlikti esepke alý, saqtaý, baǵalaý jáne budan ári paıdalaný jumysyn uıymdastyrý boıynsha ýákiletti organnyń, onyń bólimsheleriniń jáne basqa da mamandandyrylǵan uıymdardyń qyzmetinde zańdylyqtyń saqtalýyn tekseredi.»; 11-tarmaqtyń birinshi abzasy mynadaı redaksııada jazylsyn: «Oblys, Almaty, Astana qalalarynyń prokýrorlary keminde jylyna bir ret atqarýshylyq qujattardyń oryndalýy boıynsha úákiletti organnyń aýmaqtyq bólimsheleri jáne olardyń atqarýshylyq áreketterdi jasaýǵa ýákileti bar laýazymdyq tulǵalarynyń áreketinde atqarýshylyq is júrgizý týraly zańnamanyń saqtalýyn tekseredi. Tekserýdiń qorytyndylary týraly aqparat Bas prokýratýraǵa tekserý júrgizilgennen keıingi aıdyń 7 kúnine deıin tapsyrylady.»; 13-tarmaq mynadaı redaksııada jazylsyn: «13. Departament atqarýshylyq is júrgizýdiń zańdylyǵyn qadaǵalaýdy atqarýshylyq is júrgizýge qatysýshylardyń ótinishterin qaraý, qadaǵalaý tártibimen narazylyq keltirý týraly ótinishterdi qaraý, SAOD-nyń qyzmetin tekserý, atqarýshylyq is júrgizýdegi zańdylyqtyń jaǵdaıyn taldaý arqyly júzege asyrady.»; 15-tarmaq mynadaı redaksııada jazylsyn: «15. Departament júıeli túrde: jeke negizdemelermen respýblıkalyq menshikke aınalǵan (túsken) múlikti esepke alý, saqtaý, baǵalaý jáne odan ári paıdalaný boıynsha jumystardy uıymdastyrý jónindegi ýákiletti organnyń, SAOD-tyń jáne onyń aýmaqtyq bólimsheleriniń qyzmetin tekseredi; memleket kirisine aqshalaı jáne basqa óndirip alýlar týraly atqarý qujattarynyń, sondaı-aq prokýrorlardyń talaptary boıynsha shyǵarylǵan sot aktileriniń oryndalý barysyndaǵy zańdylyqtyń jaǵdaıyna taldaý jasaıdy.»; 17-tarmaq mynadaı redaksııada jazylsyn: «17.Atqarýshylyq is júrgizý zańdylyǵyn qadaǵalaýdyń negizgi kórsetkishteri mynalar bolyp tabylady: memleket paıdasyna atqarylýy; prokýrordyń talap aryzy boıynsha atqarylýy. Memlekettiń paıdasyna atqarylýy zańda belgilengen oryndaý merzimi buzylǵan memleket paıdasyna óndirý týraly qozǵalǵan atqarýshylyq qujattarǵa monıtorıng júrgizý arqyly baǵalanady. Sol maqsatta osyndaı atqarýshylyq óndiristerdiń esebi júrgiziledi jáne memleket paıdasyna óndirýge jatatyn oryndaý merzimderi buzylǵan atqarýshylyq is júrgizýler boıynsha prokýrorlyq qadaǵalaý aktileri negizinde óndirilgen jalpy somamen osyndaı atqarýshylyq is júrgizýler boıynsha óndirilýge jatatyn jalpy somaǵa shaqqandaǵy araqatysy esepteledi. Prokýrordyń talap aryzdarynyń atqarylýy prokýrordyń talaby men aryzdary boıynsha qabyldanǵan sot aktileri negizinde qozǵalǵan atqarýshylyq óndiristerge monıtorıng jasaý arqyly baǵalanady. Sol maqsatta olardyń esebi júrgiziledi jáne sanalady: prokýrordyń talap aryzy boıynsha óndirýge jatatyn jalpy somamen prokýrordyń naqty óndirilgen somalardy shaqqandaǵy araqatysy esepteledi. Prokýrordyń múliktik emes talap aryzdary boıynsha jáne jeke menshik nysandaǵy uıymdardyń múddelerine qatysty aqsha óndirý týraly atqarýshylyq is júrgizýler esepke alynbaıdy; prokýrordyń múliktik emes sıpattaǵy talap aryzdary boıynsha naqty oryndalǵan sot aktileriniń jalpy prokýrordyń múliktik emes sıpattaǵy talap aryzdary boıynsha oryndaýda bolǵan sot aktilekrine shaqqandaǵy araqatysy esepteledi. Atqarý paraǵynyń jazylýynsyz oryndalatyn sot sheshimderin qospaǵanda (AIJK 282-baby), prokýrordyń múliktik emes talap aryzdary boıynsha barlyq atqarýshylyq is júrgizýler nazarǵa alynady.»; Tómengi turǵan prokýratýralardyń qyzmeti basqada kórsetikishter boıynsha atqarylǵan jumystarynyń nátıjesimen baǵalaný múmkin.»; 18-tarmaq mynadaı redaksııada jazylsyn: «18. Departament atqarýshylyq is júrgizýdiń zańdylyǵyn qadaǵalaýdy júzege asyrý jóninde tómen turǵan prokýratýralardyń qyzmetine basshylyq jasaýdy jáne baqylaýdy qamtamasyz etedi, qadaǵalaýdyń osy salasyndaǵy jumystyń tıimdiligin kóterýge qoldaý kórsetedi, Bas prokýratýranyń basqa da bólimshelerimen, Joǵarǵy Sotpen, SAOD-pen, ǵylymı jáne oqý mekemelerimen ózara is-qımyldy júzege asyrady.». 2. Osy buıryqpen Qazaqstan Respýblıkasy prokýratýra organdarynyń, vedomstvolary men mekemeleriniń barlyq qyzmetkerleri tanystyrylsyn. 3. Qazaqstan Respýblıkasy Bas prokýratýrasynyń Sottarda memleket múddesine ókilettik jasaý departamentine osy buıryqtyń Qazaqstan Respýblıkasynyń Ádilet mınıstrliginde tirkelýin jáne resmı túrde jarııalanýyń qamtamasyz etýge. 4. Qazaqstan Respýblıkasy Bas prokýratýrasynyń Qarjy, aqparattandyrý jáne aqparattyq resýrstardy qorǵaý departamentine osy buıryqtyń Qazaqstan Respýblıkasy Bas prokýratýrasynyń resmı saıtynda ornalastyrylýyn qamtamasyz etýge. 5. Osy buıryqtyń oryndalýyn baqylaý Qazaqstan Respýblıkasy Bas Prokýrorynyń jetekshilik etetin orynbasaryna júktelsin. 6. Osy buıryq Qazaqstan Respýblıkasynyń Ádilet mınıstrliginde memlekettik tirkelgen kúninen bastap qoldanysqa enedi. Qazaqstan Respýblıkasynyń Bas Prokýrory A.DAÝYLBAEV. Buıryq Qazaqstan Respýblıkasynyń Ádilet mınıstrliginde 2015 jylǵy 15 sáýirde Normatıvtik quqyqtyq kesimderdi memlekettik tirkeýdiń tizilimine №10726 bolyp engizildi.